مركز تعليم قيادة سيارات تحت بير السلم..

اختيارك لمركز تعليم سواقة هي بدايتك لدخول عالم السيارات و القيادة خلي بالك كويس اوي من اللي هيتقال في المقال ده

اولا اختيارك لمراكز تعليم القيادة اللي تحت بير السلم دي من دافع مادي ( يعني الرخيص)

تعاله بقي اقولك ايه اللي هيحصل بالضبط ..

اولا مفيش حد مهني و بروفيشنال في مهنته هيرخص من نفسه و مهنته فا حضرتك مبدئياً اخترت حد مش مهني علي الاطلاق ..

ثانيا اكيد اكيد اكيد هتعمل مشكله ( حادثة) لان المدرب مش مهني و مش متمكن من ادواته ( مفيش كنترول) و لو ده حصل بنسبة كبيرة مش هيسيبك لانه بيدور علي فلوس مش بيدور علي مهنيه و احتراف ..

ثالثا الرخيص بنسبة كبيرة حد في الشارع يعني ملوش مقر و دي كارثة بكل المقايس يعني ايه اامن علي نفسي او بنتي او زوجتي مع حد مش معروفله مكان و لا معروف هو مين منطق التوفير هنا منطق فيه مجازفة بنسبة كبيرة ..

رابعا سن المدرب غالبا سن المدرب بيبقي ما بين 18 سنه الي 22 سنه بالمنطق و العقل ازاي السن ده هيعلم سواقة و دي كارثة اكبر بكتير ..

خامساً حضرتك عارف لو لا قدر الله و انت بتتعلم السواقة بالشكل ده و حصل حادثة حضرتك هتكرة العربيات و السواقة و مش هتكرر التجربة تاني ..

سادساً حد رخيص الثمن حضرتك ممكن تتخيل مثلا انه يكون مثقف و مستوي اجتماعي معقول علشان تعرف تتعامل معاه من الناحيه الاخلاقية كويس.

بمعني ان بنسبة كبيرة ابو سعر رخيص مستوي اخلاقي مش هيعجبك سبب كتابة المقاله هي التوعية لان تعليم القيادة الغلط بينتج عنه الحوادث و تدني مستوي قائدي السيارات و تدني الشارع المصري بشكل عام ..

موجد فيديو مفسر يرجي المشاهده ..

نرجوا من الله وصول الرساله لمن يستحق و نتمني من الله لكم السلامه و لمصراً الحبيبة كل ازدهار و تقدم